×
  • Lajme
  • Lajme

    Vjosa Osmani ‘vetëm’ në formimin e partisë së re, edhe dy deputetë nga LDK-ja konfirmojnë qëndrimin në parti

    FrontOnline
    10 Shtator 2020

    Deputetët e LDK-së të cilët ishin kundër rrëzimit të “Koalicioni të Shpresës” mes VV-së e LDK-së, Fatmir Rexhepi e Ardian Shala megjithatë nuk do t’i bashkohen Vjosa Osmanit në iniciativën për një subjekt të ri politik.

    Deputetët Rexhepi e Shala thanë se do të vazhdojnë të mbesin në LDK.Vjosa Osmani e pakënaqur me hierarkinë e lartë të Lidhjes Demokratike të Kosovës dhe pas shkarkimit në qershor nga pozitat drejtuese në parti ka dhënë sinjale të qarta se do të vazhdojë ndaras LDK’së, rrugëtimin e saj politik pas 20 vjetësh si pjesë e saj.

    Osmani që ishte kandidate e LDK’së për kryeministre në zgjedhjet e 6 tetorit do të provojë të sfidojë skenën politike me një parti të re.

    Emra të shumtë u përmenden se do të mund t’i bashkohen iniciativës së kryekuvendares Osmani, por shumica nga ta e demantuan një gjë të tillë, duke filluar nga kryetari i Prishtinës, Shpend Ahmeti, ish-ministri i Infrastrukturës, Lumir Abdixhiku, më pastaj Ministri i Mbrojtjes, Anton Quni dhe ish-anëtari i PSD’së,Dardan Sejdiu.

    Dy deputetët e LDK’së, Fatmir Rexhepi e Ardian Shala të cilët poashtu ishin përfolur se mund t’i bashkohen Vjosa Osmanit për arsye të qëndrimeve të përfaërta në të kaluarën kur kishin votuar kundër rrëzimit të qeverisë Kurti, megjithatë do të vazhdojnë të mbesin në partinë më të vjetër në vend.

    Deputeti nga Gjilani dhe ish-ministri i Punëve të Brendshme, Fatmir Rexhepi tha se është anëtar i LDK-së dhe se me Osmanin nuk ka biseduar për këtë çështje.”Unë jam anëtar i organeve të LDK-së dhe jam LDK, nuk kam biseduar lidhur me këtë çështje me znj.

    Vjosa Osmani dhe nuk i përgjigjem gjërave spekulative”, tha shkurt Rexhepi për Gazeta Express.Kurse, deputeti dhe kryetari i degës së LDK-së në Suharekë, Ardian Shala mohoi zërat se do ta braktisë LDK-në.“As që kemi biseduar me Vjosa Osmanin për këtë çështje, unë jam kryetar i degës së LDK-së në Suharekë dhe nuk kam ndonjë mendim tjetër, dhe patjetër që do të vazhdoj të mbetem në LDK”, tha Shala.

    Deputeti tjetër i LDK-së i cili është rreshtuar pas Vjosa Osmanit, Haxhi Avdyli mbrëmë në emisionin DPT te Fidani në T7 deklaroi se disa nga bashkëthemeluesit e LDK’së dhe bashkëpunëtorë të afërt të presidentit Ibrahim Rugova do t’i bashkohen Osmanit.

    Avdyli u shpreh se ka interesim edhe të bashkatdhetarëve emra eminent për t’u bashkuar rreth një subjekti të ri që do ta ketë kryetare Vjosa Osmanin.Ndërkaq, nënkryetari i LDK’së, dhe kryetari i Gjilanit, Lutfi Haziri i cili po shihet si më neutrali në parti duke provuar t’i bashkojë grupacionet brenda ka shkruar në Facebook “LDK bashkë. Beso” duke lënë të nënkuptohet se të gjithë duhet të qëndrojnë në LDK.

    Petrol Company sërish troket në dyert e Shtëpisë së Pleqve për Ramazan
    Nga Rubrika
    Lajme29 Mars 2024
    Kryetari i Kuvendit të Kosovës, Glauk Konjufca, ka shprehur qëndrimin e tij pro themelimit të cdo komisioni hetimor dhe se për këtë...
    Lajme29 Mars 2024
    Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje. Këtë deklaratë ai e bëri para mediave...
    Lajme29 Mars 2024
    Tri seanca plenare do të mbahen në javën e ardhshme në Kuvendin e Kosovës. Kështu ka bërë të ditur shefja e grupit...
    Të tjera
    Lajme29 Mars 2024
    Shefi i grupit parlamentar i AAK-së, Besnik Tahiri, dhe ai i LDK-së, Arben Gashi, kanë lëshuar sallën ku po mbahej mbledhja e...
    Bota/Rajoni29 Mars 2024
    Qeveria e Kroacisë ka nisur procedurat për njohjen e ndërsjellë të patentë shoferëve mes Zagrebit dhe Prishtinës. Kjo u bë e ditur...
    Opinione29 Mars 2024
    Nga Ismail Syla Vështrim eseistik për librin e Bajram Kosumit “Enciklopedia Imagjinare, postroman”, Toena, 2023, Tiranë Në Fjalorin e Gjuhës së Sotme...
    Bota/Rajoni29 Mars 2024
    Erërat me shpejtësi deri në 112 km/h kanë goditur bregdetin jugor të Mbretërisë së Bashku së bashku me breshërin dhe bubullimat. Sipas...
    Lajme29 Mars 2024
    Kryeministri i vendit, Albin Kurti po vazhdon të tregojë disa nga të arriturat e shënuar gjatë qeverisjes së tij. Kurti ka publikuar...
    Lajme29 Mars 2024
    Shefi i grupit parlamentar i PDK-së, Abelard Tahiri, ka thënë se kjo parti nuk do të heqë dorë nga themelimi i Komisionit...

    FrontOnline, © 2024 Të gjitha të drejtat e rezervuara.