[wp-story]

Lajme

Vjosa Osmani i kundërpërgjigjet Agim Veliut

Vjosa Osmani i kundërpërgjigjet Agim Veliut
00:02 | 15 Janar 2020

Nënkryetarja e LDK-së, Vjosa Osmani, nëpërmjet një statusi në “Facebook” i është kundërpërgjigjur indirekt Agim Veliut, duke kujtuar bashkëpunimin e mirë ne Lëvizjen “Vetëvendosje” për ta parandaluar shfuqizimin e Speciales, raporton “Front Online”.

Në anën tjetër, Agim Veliu, nënkryetari i LDK-së, ka shkruar pak më herët në Facebook se VV këto përpjekje po i bënë për të marrë pushtet absolut.

Shkrimi i plotë i Osmanit:

Miqësitë që LDK-ja ndërtoi me botën demokratike janë ato që përcaktuan orientimin strategjik te vendit tonë: orientim pro-perendimor e euro-atlantik.

Para rreth dy vitesh, partitë në pushtet, ato të koalicionit PAN, filluan nismën për shfuqizimin e gjykatës speciale, e cila nga partnerët tanë u quajtë ‘thike pas shpine’, ‘rreziku më i madh në Kosovën e pasluftës’, ‘shkatërrim i miqësive’, e ‘shkelje e orientimi euro-atlantik’. Meqë miqtë tanë ndërkombetarë dhe kërkesat e tyre injoroheshin nga Presidenti i vendit dhe partitë në pushtet, që të gjithë u drejtuan tek zyret e LDK-së. Sërish, ishte pikërisht LDK-ja, vendi ku do të mbrohej shtetësia, miqësitë dhe orientimi pro-perendimor i vendit. Por këtë nuk mund ta bënim vetë. Ishte vetëm një parti që i doli në krah përpjekjeve të LDK-së atë ditë: Lëvizja Vetëvendosje. Atë mbrëmje, për këdo që e kupton politikën drejtë, është ndërtuar koalicioni i shpresës. Atë ditë, është rikonfirmuar orientimi pro-perendimor dhe euro-atlantik. Atë nuk e bëri LDK-ja vet, e as LVV-ja vetë…por e bënë LDK dhe LVV bashkë, me bekimin e miqve tanë ndërkombetarë.
Pyetja që shtrohet sot për kundërshtuesit, penguesit e bllokuesit e ndryshimit, në një kohë kur Kosova rrezikon të zbrazet e të shndërrohet në shtet të dështuar, është pikërisht e njejtë me atë që Ambasadori i atehershem amerikan e bëri në zyret tona në orët e vona të mbrëmjes ne v.2017 ku ishin bashkuar zyrtare nga LDK e LVV: CFARË DO JU DUHET PARTIA KUR NUK DO TE KETË MË KOSOVË?

“M Sillosi” S’ka nëvojë për panik, grurë ka me bollëk

Të tjera