Me 813 vota, Lëvizja Vetëvendosje e ka lënë shumë mbrapa LDK-në edhe në fshatin e Lutfi Hazirit, kryetarit të komunës së Gjilanit.
Në fshatin Llovce, ku ka lindur Haziri vetëm Vjosa Osmani ka marrë katërfish më shumë vota se të gjithë kandidatët e LDK-së së bashku.
Osmani në këtë fshat nga 4 qendra të votimit sipas rezultateve të KQZ-së ka arritur të marrë 528 vota përderisa LDK-ja si parti ka marrë vetëm 113 vota.
E po ashtu në nivel komune fituese e zgjedhjeve është LVV-ja me 28 mijë e 568 vota, apo 63.24%. përderisa LDK-ja ka mbetur e dyta me vetëm 7 mijë e 243 vota apo 16.03%.
Partia në listën e të cilës garoj, Vjosa Osmanit në zgjedhjet e 14 shkurtit ka 21 mijë e 325 vota më shumë se sa LDK-ja, ani pse kryetari i kësaj komune vie nga kjo parti.