Iniciativa e Vjosa Osmanit tashmë edhe zyrtarisht do ti bashkohet listës së Lëvizjes Vetëvendosje.

Kjo për shkak që tashmë kur edhe në ora 18:00 ka përfunduar afati për dorëzimin e koalicioneve parazgjehdore në Komisionin Qendror të Zgjedhjeve, Vjosa Osmani por as partia e Albin Kurtit nuk kanë dorëzuar koalicion në KQZ, shkruan FrontOnline.

E, gjatë ditës së djeshme deputetja e Lëvizjes Vetëvendosje, Arbëreshë Kryeziu- Hyseni e ka konfirmuar një gjë të tillë për FrontOnline.

“Bashkëpunimi pritet të konkretizohet ditëve në vijim me Osmanin. Kështu që nëse Vjosa Osmani i bashkohet VV-së nuk do të shkrihet brenda listës sonë, thjesht, gjen vend në 110-shin e VV-së me aq numra sa dakordohet brenda organeve të Lëvizjes”, u shpreh Arbresha Kryeziu, nga Vetëvendosje.

Ndërkaq nga Komisioni Qendror i Zgjedhjeve, deri në orën 17:00 kanë bërë të ditur se janë paraqitur vetëm dy koalicione parazgjedhore, atë Vakat dhe Zajedno.

Partitë kanë pasur afat deri në orë 18:00 për të zyrtarizuar koalicionet parazgjedhore./FrontOnline/