×
  • Lajme
  • Lajme

    Vjosa ​Osmani: BE-ja të mbajë premtimin për liberalizimin e vizave për popullin e Kosovës

    FrontOnline
    24 Qershor 2020

    Kryetarja e Kuvendit të Kosovës, Vjosa Osmani, ka thënë se Bashkimi Europian nuk ka arritur të realizojë ende premtimin për t’i dhënë popullit të Kosovës liberalizimin e vizave.

    Osmani theksoi se BE duhet të mbajë premtimin, meqë sipas saj 2 milionë kosovarët kanë mbetur larg nga pjesa tjetër e Europës, njofton Klan Kosova.

    Gjatë mbajtjes së punimeve online të Sesionit Plenar të SEECP, Osmani tha se roli i kuvendit parlamentar të SEECP është shumë i rëndësishëm në kontributin për stabilitetin dhe prosperitetin e Europës Juglindore.

    ”Për të gjithë përparimin e bërë, megjithatë Bashkimi Europian nuk ka arritur të realizojë premtimin e vet për t’i dhënë popullit të Kosovës liberalizimin e vizave të vonuara”.

    ”Akoma deri më sot pavarësisht nga të gjitha përpjekjet tona dhe arritjet e njohura, 2 milionë kosovarë, një nga popujt më pro europianë, kanë mbetur larg nga pjesa tjetër e Evropës”.

    ”Sigurisht, më lejoni të përfundoj duke përsëritur thirrjen tonë, jo vetëm thirrjen e institucioneve por thirrjen e të gjithë njerëzve të Kosovës që Bashkimi Europian duhet të mbajë premtimin e tij për liberalizimin e vizave për popullin e Kosovës”, ka deklaruar Osmani.

    Sipas saj pandemia ka shkatërruar dinamikën ekonomike dhe ka ulur ashpër furnizimin.

    Për këtë objektivë e këtij sesioni plenar është përmirësimi i bashkëpunimit politik, ekonomik dhe i sigurisë.

    ”Objektivat tona këtu janë përmirësimi i bashkëpunimit politik dhe të sigurisë, bashkëpunimi ekonomik dhe zgjerimi i bashkëpunimit në fushat e dimensioneve njerëzore, demokracisë, drejtësisë dhe luftimin e veprimtarive të paligjshme”.

    ”Ky takim vjen në një kohë shumë të paparë, dhe bashkëpunimi ynë tani është i nevojshëm më shumë se kurrë. Bllokimi global që erdhi si rezultat i pandemisë po gjeneron sfida të pashembullta ekonomike që do të kenë një efekt të frikshëm në ekonomitë dhe në shoqëritë tona”.

    ”Pandemia ka ndaluar tregtitë globale dhe shkatërroi dinamikën ekonomike duke ulur ashpër furnizimin”, ka deklaruar Osmani.

    Ndër të tjera ka shprehur ngushëllime për të gjitha viktimat që janë shënuar gjatë kësaj kohe si shkak i pandemisë Covid-19.

    ”Muajt e kaluar kanë qenë shumë të vështirë për të gjithë ne, shumë nga njerëzit tanë kanë humbur të dashurit e tyre nga ky virus, disa ende luftojnë për jetën e tyre në spitale, dhe një numër i madh i njerëzve kanë vështirësi për t’i përmbushur nevojat e tyre , kështu që ju lutem bashkohuni me mua sot këtu për të shprehur ngushëllime për të gjitha viktimat dhe duke u lutur që ata që janë në gjendje kritike do të shërohen”, theksoi ajo.

    Veç tjerash ajo ka theksuar edhe solidaritetin europian që sipas saj ka qenë i rëndësishëm në këtë kohë.

    Për këtë ajo konsideroi se BE është një partner i besueshëm për Kosovën. Osmani ndër të tjera tha se po punojnë shumë që të jenë anëtar të NATO-s.

    ”Kohëve të fundit, BE ka bërë përparime të mëdha në procesin e zgjerimit, më 25 mars anëtarët e Këshillit Europian ranë dakord të hapnin negociatat për anëtarësimin në BE të Shqipërisë dhe Maqedonisë Veriore që ishte një lajm i shkëlqyeshëm për rajonin tonë”.

    ”Vendimi i 25 Marsit, për hapjen e negociatave erdhi si një lehtësim i madh për të gjithë ne, pasi përsëriti angazhimin e BE-së për procesin e zgjerimit”.

    ”Rastësisht, ne thjesht hasëm edhe me një tjetër moment historik pasi Maqedonia e Veriut iu bashkua NATO-s”.

    ”NATO ka qenë një komponent thelbësor i paqes dhe sigurisë që rajoni ynë ka gëzuar në dekada dhe ne jemi të kënaqur pasi gjithnjë e më shumë vende nga rajoni ynë bashkohen me këtë organizatë të kombeve që duan paqen, ndërsa ne në Kosovë po punojmë shumë për t’u bërë anëtari i ardhshëm”, tha ajo.

    “Strategjitë t’i lënë përjashta, ta shijojnë këtë eksperiencë të paharrueshme”, u thotë Bruno banorëve të rinj
    Nga Rubrika
    Lajme28 Mars 2024
    Derisa në foltoren e Kuvendit të Kosovës po fliste deputetja e LDK-së, Doarsa Kica-Xhelili, për themelimin e një komisioni hetimor për kontratat...
    Lajme28 Mars 2024
    Deputetja e LDK-së, Hykmete Bajrami i ka reaguar kryeministrit Albin Kurti lidhur me statistikat që ai ka publikuar sa i përket zhvillimit...
    Lajme28 Mars 2024
    Deputeti nga radhët e PDK-së, Ardian Kastrati është shprehur se ka me qindra kontrata një burimore ku qeveria ka vjedhur miliona, raporton...
    Të tjera
    Lajme28 Mars 2024
    Teksa shefi i grupit parlamentar i AAK-së, Besnik Tahiri, po fliste në foltore për kontratat njëburimore, siç tha ai, e pengoi shefja...
    Lajme28 Mars 2024
    Deputeti i Lëvizjes Vetëvendosje, Adnan Rrustemi, gjatë seancës së jashtëzakonshme që po mbahet në Kuvend ku po flitet për kontratat njëburimore për...
    Bota/Rajoni28 Mars 2024
    Mashtrimi i nxitur nga trafikimi i qenieve njerëzore po shpërthen në Azinë Juglindore me rrjetet e krimit të organizuar që grumbullojnë rreth...
    Lajme28 Mars 2024
    Deputetja e PDK-së, Blerta Deliu-Kodra, ka thënë se kontratat njëburimore janë bërë standard i përditshëm i qeverisë Kurti. Në seancën ku po...
    Lajme28 Mars 2024
    Kryetari i Aleancës për Ardhmërinë e Kosovës (AAK), Ramush Haradinaj, ka kujtuar Betejëb e Pozharit e cila kishte thyer keq armikun. Haradinaj...
    Lajme28 Mars 2024
    Shefi i Grupit Parlamentar të Partisë Demokratike të Kosovës, Abelard Tahiri, në seancën e Kuvendit të Kosovës, ka folur për kontratat njëburimore....

    FrontOnline, © 2024 Të gjitha të drejtat e rezervuara.