Sot janë bërë 15 ditë qëkur kryeministri i Kosovës Albin Kurti po qëndron në Shtetet e Bashkuara të Amerikës.
Kjo vizitë është më e gjata që ndonjë kryeministër i Kosovës ka realizuar atje.
Qëndrimin dy javor të tij, deputetja e AAK-së, Albana Bytyqi e quan turistik më para se zyrtar.
“Veç vizitë zyrtare nuk mundemi me quajt, vizitë turistike. Kurti ka shkuar për qejf, me u shëtit. Nuk po shihet që është efektive. Unë nuk e shoh të arsyeshme. Nëse ka qenë përnjëmend vizitë zyrtare është dashtë me i kry vizitat deri tash”, deklaroi për “Front Online”.
Ajo pati edhe një këshillë për shefin e ekzekutivit.
“Një këshillë Kurtit, ktheu në vendin tënd, puno, kontribuo, pastaj shko në Amerikë me i zgjidh problemet”, u shpreh ajo për “Front Online”.
Në mungesë të ndonjë takimi me zyrtarë të lartë amerikanë, gjatë vizitës në Shtetet e Bashkuara, kryeministri Albin Kurti ka realizuar takime me drejtues të shoqatës së bizneseve e të kompanive teknologjike dhe ka vizituar kompani të ndryshme.
Nuk dihet se kur ai do të rikthehet në Kosovë./Front Online/