Kryeministri i Shqiperise Edi Rama, ka shprehur ngushëllimet për familjen e të ndjerit Andrea Haxhiaj, 60-vjeçari që pasditen e sotme humbi jetën nga asfiksia.
Në një postim që ka bërë në rrjetet sociale, kreu i qeverisë njofton se forcat e emergjencës civile dhe të ushtrisë janë në krye të detyrës dhe po bëjnë të pamundurën për shuarjen e flakëve.
“Vazhdojnë papushim me mundin e sakrificat e forcave të emergjencave civile e të atyre të ushtrisë, operacionet tejet të vështira të shuarjes së zjarreve, të cilat janë përhapur si epidemi në krejt vendet e Mesdheut e jo vetëm.
Ngushëllime vëllazërore familjes së të ndjerit Andrea Haxhiaj, që sot fatkeqësisht humbi jetën në zjarrin e tërbuar që përfshiu zonën e Lunxhërisë në Gjirokastër…”- shkruan Rama.