I ftuar në Edicionin e Pasdites në SYRI TV me moderatoren Armela Ferko, kryeredaktor i Frontonline Lavdim Hamidi, ka folur mbi zgjedhjet lokale në Kosovë dhe performacën e LVV, e para me vota, por pa asnjë komunë.

Në raundin e parë të rezultateve janë zyrtarizuar fituesit e 17 komuna nga 38 komuna. Nga këto 9 i ka fituar Lista Serbe. LDK dhe AAK kanë fituar secila nga dy komuna. 21 kumuna në Kosovë janë në balotazh nga numërimi i votave për zgjedhjet e djeshme lokale. Surprizues ishte rezultati i Vetëvendosjes pasi ka epërsi në 12 komuna, por nuk ka zyrtarizuar asnjë prej tyre.

Ferko: Ka pasur interpretime të ndryshme për faktin se LVV ka dalë e para me votat partiake në zgjedhjet e djeshme, por asnjë kandidat i tyre nuk e ka fituar mandatin.

Ka pasur deklarata nga LDK dhe PDK se kanë pasur performacë të mirë në këto zgjedhje. Si duken rezultatet në këndëvështrimin tuaj?

Hamidi: Mendoj se raundi i parë ishte një subjekti politik në vend. Para 8 muajve në zgjedhjet parlamentare ishte partia më e madhe me gati 50 % të votave. Ndërsa 8 muaj më vonë kjo partia më e madhe ky subjekt politik që udhëheq dhe qeverinë e Kosovë, nuk arriti të sigurojë balotazh në 38 komuna. Bazuar në rezultatin e së dielës LVV ka një rënie me 65 % të votave në krahasim me votat në 14 shkurt. Në këto zgjedhje opozita performoi më mirë pasi këmi një rritje të votave për LDK dhe PDK.

Zgjedhjet lokale ndryshojnë shumë me zgjedhjet parlamentare. Në komunat kryesore LVV nuk nxorri kandidatët e saj më të mirë, sikur u tall me votuesit. Në Mitrovicë nxorri një kandidat shumë të dobët. Nuk parashtronte dot programin e tij. Në Prishtinë nxorri Vitian pas një performace të dobët në rritjen e infektimeve me Covid. Duhet mos ta vendoste njëherë ministër pastaj për kryetar, por ta ruante vetëm për kandidat për komunën. Në Prizren po ashtu LVV është përballur me një sërë skandalesh gjatë katër viteve të kryetarit aktual të LVV. Nuk ishin kandidatët e duhur për komunat e Kosovës.