Nënkryetari i Lëvizjes Vetëvendosje, Besnik Bislimi, ka hedhur akuza të rënda ndaj kryetarit të Odës Ekonomike të Kosovës, Berat Rukiqi se kishte lobuar tek bizneset kosovare për rrëzimin e Qeverisë Kurti.
Ndaj kësaj akuze ka reaguar vetë Berat Rukiqi, i cili ka thënë se kjo gjë nuk është aspak e vërtetë.
Rukiqi në lidhje direkt në Rtv Dukagjini, ka thënë se anipse nuk i komenton asnjëherë akuzat e politikanëve, deklarimi i Besnik Bislimit nuk është aspak i vërtetë.
“Aspak nuk është e vërtetë. Nuk i komentoj deklarimet e politikanëve, por kjo gjë nuk është e vërtetë. Nuk është detyrë e as qëllim i imi e as mundësi e bizneseve për ta bërë ose rrëzuar një Qeveri. Këtë e bëjnë deputetët e Kuvendit. Kështu që deklarimet e tij, janë të pabaza”, i ka thënë Rukiqi – Bislimit, në një lidhje direkte.
