[wp-story]

Kronika

Veseli reagon pas vrasjes në Prizren

Veseli reagon pas vrasjes në Prizren
12:31 | 07 Gusht 2019

Kreu i PDK-së, Kadri Veseli, ka reaguar pas vrasjes në Prizren, ku e vdekur mbeti një 42-vjeçare, raporton Gazeta Express.

Përmes një shkrimi në Facebook, kryeparlamentari në detyrë, ka shkruar se kjo ngjarje është akt i papranueshëm të cilin e dënon fuqishëm.

“Dhuna në familje dhe keqtrajtimi i grave, janë fenomene që shkojnë ndesh me vlerat tradicionale të familjes sonë si dhe me të drejtat themelore të njeriut. Gratë në Kosovë kanë qenë në vazhdimësi subjekt i diskriminimit, abuzimit e dhunës”, ka shkruar Veseli.

Tutje, ai ka bërë thirrje ndaj policisë e institucioneve që t’i japin dënimin e merituar dorasit si dhe t’i trajtojnë me përparësi këto çështje dhe me përkushtim të veçantë.

“Me këtë rast i bëj thirrje policisë dhe institucioneve të drejtësisë që të japin përgjigjen e merituar për këtë rast të dhimbshëm dhe që çështjet që lidhen me dhunën ndaj grave ti trajtojnë me përparësi dhe përkushtim të veçantë. Neglizhenca dhe indiferenca e institucioneve shtetërore të ligjit ndaj grave të kanosura apo thirrjeve të grave për ndihmë, nuk do të tolerohen më”, ka shkruar ai./Express

“M Sillosi” S’ka nëvojë për panik, grurë ka me bollëk

Të tjera