Ministri në detyrë i Bujqësisë, Besian Mustafa ka thënë se është duke përcjellë nga afër situatën me vërshimet në disa pjesë të Kosovës.

Përmes, një postimi në profilin e tij në Facebook, Mustafa ka shkruar se është në kontakt të vazhdueshëm me të gjithë kryetarët e komunave ku edhe ka shprehur gadishmërinë që t’u dalë në ndihmë, përcjell FrontOnline.

Ai, ka thënë se fermerët të cilët janë prekur nga këto vërshime do ta kenë përkrahjen e Ministrisë së Bujqësisë.

Postimi i tij i plotë:

Jam duke ndjekur nga afër situatën me vërshimet të cilat u shkaktuan në disa pjesë të Kosovës, si pasojë e reshjeve të mëdha të shiut.

Personalisht jam në kontakt të vazhdueshëm me të gjithë kryetarët e komunave si dhe me institucionet tjera relevante, ku edhe njëherë kam shprehur gatishmërinë time dhe të Ministrisë që udhëheq për t’u dalë krah në çdo kohë.

Gjithashtu, dua t’i informojë fermerët e zonave të prekura nga këto vërshime se do të vazhdoj të jem në teren duke parë nga afër situatën, dhe i siguroj që përkrahja për ta nuk do të mungojë asnjëherë./FrontOnline/