Opinione

Veriu, Albin Kurti, Edi Rama dhe tri propozimet për Vuçiqin

Veriu, Albin Kurti, Edi Rama dhe tri propozimet për Vuçiqin
12:10 | 26 Shtator 2021

Po bëhen një javë prej se autoritetet e Republikës së Kosovës kanë nisur aksionin për vendosjen e masave të reciprocitetit për targa me Serbinë në veri të Kosovës.

Ky vendim i ligjshëm i Qeverisë së Kosovës ka nxitur dhjetëra qytetarë serbë, të prkrahur nga presidenti i Serbisë Aleksandër Vuçiq, që t’i kundërshtojnë këto masa, duke vendosur barrikada kilometrëshe në këtë pjesë të vendit.

Nuk është rasti vetëm me Kosovën, por Serbia me ndihmën e Rusisë po tenton ta destabilizojë Ballkanin, nëse i marrim parasysh reagimet e vazhdueshme ndaj Malit të Zi, Bosnës dhe Kroacisë. Prandaj, kjo detyrimisht çon në unifikimin e gjithë faktorit politik shqiptar në Ballkan dhe syçeltësinë e faktorit ndërkombëtar se çka po përgatitë Serbia me ndihmën e Rusisë.

Dihet tashmë se tërheqje të njëanshme të palës kosovare nga veriu nuk do të ketë, atëherë më poshtë  i kam paraqitur disa propozime për hapat e mëtutjeshme:

1) Reagimi i institucioneve të Republikës së Kosovës, në pjesen veriore të vendit, ka qenë  dhe vazhdon të mbetet e paalternativë, kryesisht për shkak të problemeve të shumëta të krijuara në atë pjesë, të nxitura nga Serbia!

2) Faktori ndërkombëtar  në këto konstelacione dhe fërkime në të cilën po kalon rajoni i Ballkanit është tejet e vështirë, apo pothuajse e pamundur që të gjindet unitet në mes tyre, andaj aplikojnë metodën ”zgjat dhe mos-këput “.

3) Spektri politik i Kosovës do të duhet të ketë unitet dhe koordinim mes vete dhe të mos zmbrapset nga vendimet dhe veprimet e ndërrmarura (zatën vetëm të unifikuar do të jemi më bindës dhe më serioz në raport me ndërkombetarët)!

4) Ketu kemi 3 (tri) zgjidhje te mundshme dhe asgjë më pak se këto:

I) Aplikimi reciprok i targave të përkohshme , të përkohshme RKS.

II) Anulimi i targave ”Proba” nga të dyja vendet sovrane dhe pranimi i targave te rregullta me simbolet e të dy shteteve

III) Mbyllja për qarkullim të mjeteve motorrike të dy pikave kufitare në veri të vendit dhe fillim të bisedimeve deri në arritje të nje marrveshje të pranueshme për të dyja palët. Vetem në këto tri raste, njesitë speciale policore mund të tërhiqen nga veriu dhe poashtu duhet të largohen menjëherë barrikadat.

Në anën tjetër, vizita e kryeministrit të Shqipërisë, Edi Rama, në Kosovë të hënën (nesër) duhet të përçojë mesazh të qartë tek pala serbe dhe ndërkombëtare se provokimet dhe cenimi territorital i Kosovës nga Serbia është i papranueshëm dhe i rrëzikshëm për rajonin. Nëse Serbia kërcënon apo sulmon ushtarakisht apo me xhandarmëri, atëherë do të jemi të detyruar t’i dalim në ndihmë Kosovës, pasi që kështu na obligon Kushtetuta e Republikës së Shqipërisë.

 (Autori është njohës i çështjeve të sigurisë)

 

 

1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj

Të tjera