Është raportuar se në një rrugë dytësore afër pikës kufitare Bërnjakë janë vendosur disa pengesa (drunjë) si dhe në një pusetë të rrugës ishte vendosur një mjet artizanal i përbërë me gozhda që shërben për dëmtim të gomave të automjeteve.
Policia e Kosovës tregoi se rasti ka ndodhur mbrëmë rreth orës 20:07, në Banje të Zubin Potokut.
Sipas njoftimit, janë larguar pengesat teksa rasti vazhdon të hetohet.
“Njësitë policore kanë dal në vendin e ngjarjes dhe i kanë larguar pengesat. Me vendim të prokurorit rasti vazhdon të hetohet”, njoftoi PK-ja.