Ka vdekur ish-kampionia e vrapimit në maratona ndërkombëtare, Erida Kurshumlija, shkruan Shqip.com
Për vdekjen e saj kanë njoftuar familjarët dhe shokët e të ndjerës në rrjetet sociale.
Ceremonia e varrimit do të bëhet nesër me fillim nga 15:30, në fshatin Lajthishtë (Leshkoshiq) të komunës së Obiliqit.
Erida ishte pjesëmarrëse në shumë maratona të ndryshme, vendore dhe ndërkombëtare, ku nuk kishin munguar as çmimet e ndryshme.
Erida ka marrë pjesë edhe në gara të karakterit humanitar.
Lajmi për vdekjen e saj e ka shokuar komunitetin sportiv në Kosovë.