Shërbimi Korrektues i Kosovës ka njoftuar se sot në orët e paradites në Spitalin e Pejës ka vdekur një i burgosur.
Përmes, një njoftimi për media, ShKK ka bërë të ditur se i njëjti sa ka qenë në qendrën Korrektuese në Dubravë vazhdimisht ka qenë me probleme shëndetësore, përcjell Front Online.
Njoftimi i plotë:
Shërbimi Korrektues i Kosovës, njofton opinionin publik se sot rreth orës 09:50 në Spitalin Rajonal të Pejës, ka ndërruar jetë i burgosuri F.F viti i lindjes 1953.
Gjatë qëndrimit të tij në Qendrën Korrektuese Dubravë vazhdimisht ka qenë me probleme shëndetësore të sistemit kardiak dhe me aparat të mbajtjes së ritmit (peace maker), me sëmundje të sistemit urinar dhe në dializë për një kohë të gjatë.
Tërë kohën ka qenë i shtrirë në Stacionarin e Burgut dhe kohë pas kohe, sipas nevojës dhe rekomandimeve të specialistëve edhe në QKUK dhe në SP në Pejë.
Nga data 05.01.2021 me rekomandim të mjekut të Q.K Dubravë është hospitalizuar në Repartin Kirurgjik të Spitalit Rajonal të Pejës, ku përkundër ofrimit të ndihmës mjekësore, i njëjti ka ndërruar jetë.
Organet kompetente janë duke i zhvilluar procedurat ligjore./FrontOnline/
