Një person është djegur brenda një objekti në Ulpianë të Prishtinës.
Rastin për Front Online e ka konfirmuar zëdhënësi i policisë për rajonin e Prishtinës, Agron Borovci, i cili tha se rreth orës 09:00 të mëngjesit është pranuar informata për një zjarr në një shtëpi në rrugën “Musine Kokolari”.
Personi në fjalë është shtetas i huaj.
“Rreth orës 09:00 është pranuar informata për një zjarr në një shtëpi në rrugën “Musine Kokalari” në lagjen Ulpiana në Prishtinë. Menjëherë njësitë policore kanë dalë në vendin e ngjarjes ku kanë ftuar edhe zjarrfikësit të cilët kanë lokalizuar zjarrin.
Bazuar në të dhënat fillestare nga këqyrja e vendit të ngjarjes, dyshohet për një person të vdekur (shtetas i huaj) në rrethana të dyshimta brenda objektit të përfshirë nga zjarri.
Aktualisht policia ka nisur një hetim lidhur me rastin respektivisht për rrethanat e kësaj vdekjeje të dyshimtë si dhe shkaqeve të zjarrit, por edhe ndërlidhjen eventuale mes tyre”, tha Borovci.
Por disa detaje i ka zbuluar një banor i këtushëm.
Ai në kushte anonimiteti i tha Front Online se shtëpia ku ndodhi rasti ishte e pabanuar, por që kohëve të fundit ishte bërë vend frekuentimi nga sirianët.
Këta të fundit, sipas tij, shkaktonin edhe probleme tjera duke vjedhur nëpër shtëpitë tjera që gjendën në këtë zonë.
Ai thotë se disa herë e kane telefonuar policinë./Front Online/
https://www.facebook.com/FrontOnlineMedia/videos/272743207706094
https://www.facebook.com/FrontOnlineMedia/videos/272743207706094