Bota/Rajoni

Vazhdojnë protestat në Bjellorusi, raportohet për 135 të arrestuar

Vazhdojnë protestat në Bjellorusi, raportohet për 135 të arrestuar
18:53 | 30 Gusht 2020

Dhjetëra mijëra qytetarë vërshuan sërish në kryeqytetin bjellorus, për të protestuar kundër rezultatit të zgjedhjeve presidenciale.

Sipas medieve të huaja, të njëjtit kërkojnë dorëheqjen e presidentit aktual, Alexandar Lukashenko, i cili ka udhëhequr pothuajse 26 vite në vend.

Policia rrethoi Sheshin e Pavarësisë në Minsk, ndërkaq bëhet e ditur se rreth 125 persona janë arrestuar deri më tani.

“Turp” dhe “largohu”, ishin ndër fjalët që u dëgjuan nga demonstruesit e së dielës në Bjellorusi, derisa u bllokuan nga policia.

Vendi është bërë peng i protestave të shumta që prej rezultatit të zgjedhjeve presidenciale të 9 gushtit, ku Lukashenko fitoi bindshëm. /Telegrafi/

1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj

Të tjera