Janë duke vazhduar linçimet ndaj gazetarit Valon Syla, pas sulmit fizik që ju bë sot në qendër të Prishtinës, në pikë të ditës.
Në rrjetet sociale po vazhdon linçimi i gazetarit Valon Syla, i cili ditë më parë kishte shkruar një postim në lidhje me një pjesë të diasporës.
Syla për mendimet e tij u sulmua sot pikërisht nga një person që vinte nga Zvicra.
Ai u sulmua fizikisht në qendër të Prishtinës, saktësisht në lagjen “Pejton”, në mes të ditës.
Në rrjetet sociale shumë persona e kanë përkrahur këtë dhunë, duke mos pasur konsideratë në shprehjen e lirë, ku edhe e kanë linçuar në shumë forma gazetarin Syla.
Së fundi janë pikërisht rrjetet social që po vazhdojnë të prodhojnë lajme të rrejshme për gazetarin Valon Syla.
Atij i është bërë një fotomontazh ku kinse ai tregon se si ka ndodhur rrahja gjatë ditës së sotme.
Syla aktualisht nuk e ka në funksion opsionin për postime në Facebook, kjo pasi që është raportuar nga disa persona për shkak të mendimit të tij të lirë.
Më poshtë e keni fotografinë e montuar së fundi.