×
  • Bota/Rajoni
  • Bota/Rajoni

    Vazhdojnë arrestimet e protestuesve në Bjellorusi

    FrontOnline
    13 Shtator 2020

    Autoritetet bjelloruse e kanë cilësuar një protestë të organizuar nga gratë më 12 shtator në Minsk, si “agresive” dhe “jofemërore”.

    Gratë u mblodhën në kryeqytetin bjellorus, në një tubim paqësor, për të kundërshtuar rizgjedhjen e Aleyskandr Lukashenkës në postin e presidentit për mandatin e pestë me radhë.

    Marshi i organizuar nga gratë është i fundit në vazhdën e protestave të përditshme që po mbahen në Bjellorusi, që prej se Lukashenka shpalli fitoren në zgjedhjet presidenciale të 9 gushtit. Kritikët thanë se rezultati zgjedhor u manipulua, gjë që shtyri që mbështetësit e opozitës të mbajnë protesta.

    Ministria e Brendshme njoftoi të dielën se ka rritur prezencën e policisë dhe ushtarëve në kryeqytetin bjellorus, Minsk, “për të parandaluar aktivitetet joligjore që kryejnë qytetarët protestues”. Në njoftim thuhet se policia “do të operojë nën një mënyrë të ashpër të sigurisë”.

    Deri në mesditën e së dielës, janë raportuar se janë mbajtur dy marshe. Zëdhënësja e Ministrisë së Brendshme, Natalya Hanusevich është cituar të ketë thënë për agjencinë TASS se “disa njerëz” janë arrestuar.

    “Mund të konfirmoj se disa pjesëmarrës në këto tubime të paautorizuara janë arrestuar”, tha ajo, duke shtuar se “ata do të dërgohen në zyret lokale të ministrisë, për t’iu nënshtruar proceseve administrative”.

    Ministria e Brendshme ka njoftuar më herët se gjatë protestave më 12 shtator janë arrestuar 114 persona, ku 99 prej tyre janë arrestuar në Minsk.

    Policia ka arrestuar dhjetëra gra protestuese dhe të paktën dy gazetarë që kanë qenë duke e përcjell protestën.

    “Është e turpshme të shohësh: të bërtitura, përplasje… sjellje jofemërore”, ka thënë Ministria e Brendshme, duke iu referuar marshit të organizuar nga gratë më 12 shtator në Minsk.

    Shumica e lidereve të aktiviteteve të opozitës janë gra, përfshirë edhe ish-kandidaten për presidente (e cila gjendet jashtë vendit), Svyatlana Tsikhanouskaya. Shumica nga lideret opozitare janë arrestuar, siç është rasti i Maryya Kalesnikava dhe Lilia Vlasova.

    Tsikhanouskay javën e kaluar u bëri thirrje protestuesve që “të qëndrojnë të qetë”, teksa kërkoi mbështetje ndërkombëtare për një zgjidhje paqësore lidhur me “krizën e thellë politike” në Bjellorusi.

    IPKO i dhuron Komunës së Fushë Kosovës ekografi të sofistikuar për zbulimin e hershëm të kancerit Konfirmon përkushtimin e saj…
    Nga Rubrika
    Bota/Rajoni28 Mars 2024
    Një aksident trafiku ka lënë të vdekur 45 persona në Afrikën e Jugut, pasi një autobus humbi kontrollin dhe ra nga një...
    Bota/Rajoni28 Mars 2024
    Aleanca për Shqiptarët e Ziadin Selës i bashkohet Frontit Evropian. Ky vendim erdhi pas mbledhjes së Kuvendit Qendror të kësaj partie. Pas...
    Bota/Rajoni28 Mars 2024
    Ajo që tronditi shumë një ekip ndërkombëtar mjekësh që vizitoi një spital në pjesën qendrore të Gazës, ishte numri i madh i...
    Të tjera
    Lajme28 Mars 2024
    Policia e Kosovës është bërë pjesë e Taskforcës së Përbashkët të Migracionit me autoritetet ligjzbatuese të Republikës së Shqipërisë dhe të Mbretërisë...
    Lajme28 Mars 2024
    Kryetari i Lidhjes Demokratike të Kosovës (LDK), ka folur në Kuvend të Kosovës për tenderët njëburimore. Opozita edhe gjatë seancës së fundit...
    Lajme28 Mars 2024
    Asamblisti i Vetëvendosjes në komunën e Gjilanit, Ismajl Kurteshi i ka mohuar të gjitha pretendimet për punësimin e nuses së kushëririt të...
    Lajme28 Mars 2024
    Një aksident mes një automjeti dhe një motoçiklete ka ndodhur sot në rrugën “Garibaldi” Prishtinë. Lajmin për Klankosova.tv e ka konfirmuar zëdhënësja...
    Lajme28 Mars 2024
    Zgjedhjet evropiane të vitit 2024 do të përcaktojnë kursin për një sërë gjërash. Sigurisht edhe për të ardhmen e BE-së. Sepse është...
    Lajme28 Mars 2024
    Bashkëkryesuesi i Komisionit Parlamentar për Stabilizim Asociim BE–Kosovë, Lukas Mandl ka deklaruar se Kosova i ka plotësuar të gjitha kushtet për anëtarësim...

    FrontOnline, © 2024 Të gjitha të drejtat e rezervuara.