Bota/Rajoni

“Ushtria jonë, gati në front kundër Armenisë”/ Mediat turke nxjerrin planin e Erdogan

“Ushtria jonë, gati në front kundër Armenisë”/ Mediat turke nxjerrin planin e Erdogan
16:37 | 29 Shtator 2020

Mediat turke shkruajnë se qeveria është e gatshme t’i ofrojë Azerbajxhanit të gjithë ndihmën që do të kërkohet.

“Do t’i ofrojmë gjithçka u duhet, si iu duhet atyre”, citojnë mediat turke zyrtarët lokalë, ndërsa mëngjesin e sotëm, “Hurriyet” raporton duke iu referuar burimeve ushtarake për një sipërmarrje edhe më të rëndësishme nga shteti turk.

Sipas gazetës, Turqia mund të dërgojë edhe ushtarë që të luftojnë në krah të Azerbajxhanit nëse ky i fundit e kërkon këtë.

Përshkallëzimi i konfliktit mes Armenisë dhe Azerbajxhanit në Nagorni-Karabak shton mundësinë që aty të përfshihen dhe fuqi të mëdha si Rusia e Turqia.

Ajo që duket si një luftë lokale për një rajon shkëmbor me peshë mjaft të vogël strategjike, mund të marrë një rëndësi krejt tjetër duke vendosur në kurs përplasjeje Moskën me Ankaranë. Rusia ka një marrëveshje të ndërsjellë mbrojtjeje me Armeninë që mund të hyjë në fuqi nëse luftimet përhapen në këtë vend, ndërsa Turqia, anëtare e NATO-s, është aleate me Azerbajxhanin.

Të hënën, një këshilltar i sigurisë kombëtare i Presidentit Rexhep Taip Erdogan i Turqisë lëshoi një deklaratë duke dënuar Armeninë.

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera