Deputeti nga radhët e Partisë Demokratike të Kosovës, Uran Ismaili, ka reaguar pas përgjigjes së kompanisë Pfizer-BioNTech se nuk kanë marrëveshje të nënshkruar me Kosovën.

Ai këtë e konsideron si alarmuese dhe tentim për të bërë fushatë, ndërsa kërkon nga Qeveria në detyrë që të dalë me një përgjigje për qytetarët.

“Qeveria duhet të dalë me sqarime të shpejta dhe të plota, dhe të na tregojë të gjithëve se kur do të vijnë vaksinat në Kosovë dhe a ka një marrëveshje të nënshkruar. Përndryshe, e gjitha kjo nguti e Qeverisë për t’u deklaruar rrejshëm, do të provohet që ishte tentim për të bërë fushatë e aspak për t’u dalë në ndihmë qytetarëve – fatëkeqësisht”, ka shkruar Ismaili.

Kujtojmë se ministri i Shëndetësisë, Armend Zemaj e ka konfirmuar se kontigjenti i parë me vaksina do të arrijë në muajin shkurt.

“Sapo me erdhi emaili zyrtar se kontigjenti i parë i vaksinave do të vijnë në muajin shkurt. Ky është lajm i jashtëzakonshëm për qytetarët e Kosovës”, ka thënë Zemaj në emisionin “Debat” të RTK-së./FrontOnline/

Reagimi i plotë i Uran Isamilit: