Ukraina po zhvillon bisedime me Turqinë dhe Kombet e Bashkuara (OKB) në mënyrë që të ofrojë garanci për eksportet e grurit nga portet ukrainase, tha presidenti ukrainas Volodymyr Zelensky.
Presidenti ukrainas theksoi se është shumë e rëndësishme që dikush, përveç Rusisë, së cilës Kievi nuk i beson, të garantojë sigurinë e anijeve që transportojnë grurë në një vend të caktuar.
“Tani ka bisedime me Turqinë dhe OKB-në për sigurinë e drithërave që largohen nga portet tona”, tha Zelensky në një konferencë për shtyp me kryeministren suedeze Magdalena Andersson, raporton Reuters./FrontOnline/