Lajme

Ujësjellësit “Prishtina” qytetarët i kanë borxh 45 milionë euro – pagesat u rralluan gjatë pandemisë

Ujësjellësit “Prishtina” qytetarët i kanë borxh 45 milionë euro – pagesat u rralluan gjatë pandemisë
21:53 | 29 Shtator 2020

Mbi 45 milionë euro është borxhi që konsumatorët i kanë ndërmarrjes KRU “Prishtina”.

2 milionë prej këtyre mjeteve u bën qysh kur filloi pandemia në mars e këndej, shkruan Front Online.

Zëdhënësja në këtë ndërmarrje, Arjeta Mjeku, e pranoi për Front Online se pagesat mujore, konsumatorët, i rralluan gjate pandemisë, sidomos, gjate dy muajve të parë, mars e prill.

“Përqindjet janë, si vijon: 80.85 % përqindja e pagesave në muajin janar 2020, 86.84 % në muajin shkurt 2020, 57.91 % në muajin mars 2020, 47.32 % në muajin prill 2020, 74.85 % në muajin maj 2020, 79.87 % në muajin qershor 2020,82.14 % në muajin korrik 2020 dhe 87.10 % në muajin gusht 2020”, theksoi ajo për Front Online.

Pagesat e borxhlinjve, sipas saj, do të mundësonin furnizim stabil e cilësor me ujë të pijshëm.

E për ata që ka kohë që nuk e kanë bërë një gjë të tillë në KRU, thonë se kanë gjetur zgjidhjen.

Ata do të dërgohen te përmbaruesi privat.

“KRU “Prishtina” sh.a., shumë shpejt do të fillojë me procedimin e konsumatorëve borxhlinj në procedurë përmbarimore tek Permbaruesit Privat ( kjo vlen për konsumatorët me borxhe të akumuluara ndër vite). Inicimi i kësaj Procedure përmes Përmbaruesve Privat do të krijonte shpenzime shtesë dhe do të vështirësonte përmbushjen e obligmit tuaj duke paguar taksën shtesë”, theksoi ajo për Front Online..

Me të gjitha kapacitetet e saj, KRU ”Prishtina” vazhdimisht po bën shpërndarje të barabartë të ujit për të gjithë konsumatorët në zonën e shërbimit.

Megjithatë, Mjeku, ka kërkuar nga këta të fundit që ta shfrytëzojnë siç duhet ujin për pije, shkruan Front Online.

Përfito FALAS një pushim për çift në Budva

Të tjera