Lajme

Ujësjellësi me apel: Nuk ka asnjëherë ujë, për ta përdorur në mënyrë të pakontrolluar, siç po ndodhë

Ujësjellësi me apel: Nuk ka asnjëherë ujë, për ta përdorur në mënyrë të pakontrolluar, siç po ndodhë
10:36 | 02 Korrik 2020

Ujësjellësi Rajonal Prishtina ka publikuar një apel për kursimin e ujit. Sipas këtij institucioni ka filluar shpërdorimi i ujit në mënyrë të pakontrolluar dhe si pasojë ka ankesa nga konsumatorët e pikave të larta furnizuese.

Apeli i Ujësjellësit:

Unë dua të KURSEJ ujë, por si ?

Këtë ua themi ne!

– Mos lejoni të rrjedhë ujë kot nga rubineti juaj,

– Mos përdorni ujin e pijshëm për të larë veturat,

– Mos përdorni ujin e pijshëm për ndërtime në qytet, gjeni alternative të tjera

– Mos pastroni trotuaret me ujin e pijshëm,

– Mos harroni të mbyllni rubinetin, pasi lani dhëmbët,

– Ju mund të kurseni 11 litra ujë në ditë, nëse e ndalni rubinetin gjatë larjes së dhëmbëve,

– Mos ujitni lulet, kopshtet dhe arat,

– Paguani rregullisht ujin që konsumoni,

– Mos lejoni ndërhyrjet pa leje në rrjetin e ujësjellësit,

– Raportoni kyçjet ilegale,

– Derisa ju e shpenzoni ujin e pijshëm në mënyrë të pakontrolluar, ju I leni shumë konsumatorë pa ujë të pijshëm,

– Ju mund të kurseni 19 litra ujë në ditë, nëse shkurtoni dushet vetëm për 2 minuta.

– Ju mund të kurseni rreth 37 litra ujë në ditë, nëse e lëshoni rrobalarësen vetëm një here në ditë,

– Të gjithë jemi përdorues të ujit, prandaj ne jemi edhe përgjegjës për të shfrytëzuar atë në mënyrë të drejtë.

Të gjitha këto këshilla po jepen sot nga ne, sepse ka filluar shpërdorimi i ujit në mënyrë të pakontrolluar dhe si pasojë kemi ankesa nga konsumatorët e pikave të larta furnizuese.

Mos e shpërdoroni ujin e pijshëm, ngase shpërdorimi që ju e bëni, dëmton konsumatorët e tjerë.

Nuk ka asnjëherë ujë të pijshëm, për ta përdorur në mënyrë të pakontrolluar, ashtu siç po ndodhë ditëve të fundit.

Ju falënderojmë për mirëkuptim!

Black Friday –  Eja dhe ndaj emocionet e zbritjes ekstreme në Comodita Home

Të tjera