[wp-story]

Lajme

U raportua se Osmani mori 1 mijë euro mëditje gjatë qëndrimit në Shqipëri, sqarohet Presidenca

U raportua se Osmani mori 1 mijë euro mëditje gjatë qëndrimit në Shqipëri, sqarohet Presidenca
12:48 | 02 Janar 2021

Presedenca e Kosovës është sqaruar rreth shpenzimeve gjatë qëndrimit treditor në Shqipëri, të u.d. Presidentes, Vjosa Osmani për të cilën u raportua se i ka marrë 1 mijë euro mëditje.

Në sqarim thuhet se në delegacionin zyrtar kanë qenë tetë anëtarë, të cilët siç përcaktohet me ligj, kanë marrë nga 39 euro në ditë mëditje, të cilat e kanë krijuar shumën prej 1 mijë eurosh.

Sipas presidencës kjo është një ndër vizitat e rralla kur shpenzohet kaq pak në një vizitë zyrtare.

“Do të jemi transparent për secilin cent të shpenzuar, por në të njëjtën kohë do t’u japim qasje mediave për të parë edhe sa kanë shpenzuar ata që ishin para nesh. Ndaj do të shihet se Kabineti Osmani ka shpenzuar shumëfish më pak sesa kabinetet paraprake”, thuhet në sqarimin e presidencës./FrontOnline/

Bonus dhe Premium Kartela të cilat po i ofron Petrol Company, kartelat më të kërkuara nga klientët

Të tjera