Që nga muaji mars Klinika Infektive në QKUK është një nga klinikat më të ngarkuara sa i përket fluksit të pacientëve.

Situata e krijuar në vend nga përhapja e virusit COVID-19 ka bërë që doktorë e infermierë të të gjitha klinikave të punojnë jashtë orarit, e pa pushim për t’u shërbyer pacientëve në trajtimin e tyre të nevojshëm.

Infermieri Fitim Havolli ka publikuar sot një fotografi në të cilën shihet ekipi kujdestar të cilët janë në fronë të parë pa rreshtur duke u përballur me COVID-19.

Të njëjtit kanë kujdestaruar mbrëmë në QKUK, ndërsa sot me plot optimizëm thonë se do t’ia dalim ta mposhtim virusin COVID-19.