Në orët e para të së mërkurës një vajzë në Prishtinë u përballë me një situatë aspak të këndshme.

Asaj i doli përballë ish i dashuri, i cili sipas saj, po tentonte ta shkelte me veturë në lagjën Vranjevc, shkruan “Front Online”.

Ankuesja rastin e paraqiti në Polici, teksa siç mëson “Front Online”, ajo u tregoi zyrtarëve policorë se i dashuri i saj i mëhershëm ishte në ndikimin e alkoolit kur tentoi të bënte diçka të tillë.

Policia doli në vendngjarje, mirëpo nuk raportohet se e arrestoi të dyshuarin. Kjo evidentohet edhe në raportin 24 orësh të PK-së, ku s`përmendet askund ky rast.//Front Online