[wp-story]

Bota/Rajoni

Trump bisedë telefonike me Netanyahu përpara zgjedhjeve në Izrael

Trump bisedë telefonike me Netanyahu përpara zgjedhjeve në Izrael
17:33 | 15 Shtator 2019

Presidenti amerikan Donald Trump deklaroi se ka zhvilluar dje një bisedë telefonike me kryeministrin izraelit Benjamin Netanyahu lidhur me një traktat të mundshëm të mbrojtjes reciproke midis dy vendeve.

Partia e djathtë “Likud” e Netanyahut po përgatitet për një garë elektorale të fortë me rivalët e saj të qendrës që pritet të zhvillohet këtë të martë, në Izrael.

Netanyahu ka vlerësuar marrëdhëniet e tij të ngushta me presidentin amerikan si pjesë e strategjisë së tij të fushatës ndërsa nga ana e tij Trump ka shprehur gatishmërinë për të mbështetur aleatin e tij në zgjedhje.

Trump deklaroi se, nënshkrimi i një traktati të mbrojtës së përbashkët do të mbështeste më tej aleancën e jashtëzakonshme midis Izraelit dhe SHBA-së..

“Mezi pres t’i vazhdoj diskutimet pas zgjedhjeve elektorale në Izrael kur të takohemi në Kombet e Bashkuara këtë muaj!” shkruan presidenti amerikan, Trump në një postim në Twitter./Front Online/

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera