Ministri i Financave, Hekuran Murati ka listuar tri arsye pse sipas tij nuk duhet të lejohet edhe njëherë tërheqja e parave nga Trusti.
Propozimin për një tërheqje të dytë e ka dhënë PDK-ja, AAK-ja, por edhe LDK-ja. Mirëpo të trija partitë opozitare kanë dallime sa i përket % që duhet lejuar.
“E para është që një gjë e tillë shkakton precedent të rrezikshëm. Cdo vit mund të del dikush e të propozojë që të ketë tërheqje. Mund të ketë subjekte që garojnë me këtë premtim. Argumenti i dytë, nëse po flasim me ju ndihmu familjeve në nevojë, në Trust, kursimet më të mëdha i kanë ata që janë në sektorin publik, gjë që këtyre nuk u janë ndalë asnjëherë pagat. Argumenti i tretë, ka pasur frikë dhe pasiguri për të ardhmen, po flas për në pandemi. Qytetarët nuk kanë shpenzu dhe tërheqja nuk ka pasë efekt. Tash kemi ambient inflacionar, rritja e bazës monetare shkakton presion inflacionar të ri. Pra ata që kanë para dhe tërheqin paratë shkaktojnë presion inflacionar në treg. Çmimi rritet”, u shpreh Murati në Context të ATV-së.