Tre persona deri më tani të panjohur, e kanë marrë një tjetër nga shtëpia e tij, e kanë dërguar në një shtëpi tjetër ku nën kërcënim të armës kanë përdorur dhunë ndaj tij.
Rasti ka ndodhur mbrëmjen e së mërkurës në fshatin Shtrubollov të Drenasit, ka bërë të ditur policia.
Sipas policisë, dyshohet se deri te krejt kjo ngjarje ka ardhur për shkak të një borxhi.
“Fsh. Shtrubullov, Gllogoc 26.01.2022 – 21:00. Raportohet se tre të dyshuar deri më tani të pa njohur, kanë shkuar në shtëpinë e viktimës mashkull kosovar nga ku me forcë e kanë marrë viktimën dhe e kanë dërguar në një shtëpi dhe nën kërcënimin e armës kanë përdorur dhunë ndaj viktimës. Viktima ka pranuar trajtim mjekësor. Deri te privimi dyshohet se ka ardhur për shkak të një borxhi. Në lidhje me rastin është konsultuar prokurori i shtetit, rasti vazhdon të hetohet”, ka njoftuar Policia e Kosovës.
