Një shalqi i mirë është një ushqim i shëndetshëm i verës, kështu që është e rëndësishme të dini se si ta zgjidhni një të tillë, pavarësisht nëse jeni në dyqan ushqimesh apo tregun lokal të fermerëve.

Kur vjen koha për të zgjedhur shalqirin e përsosur, njerëzit shpesh bëjnë zgjedhjen e tyre bazuar në tre karakteristika: praninë e farave ose mungesën e tyre, madhësinë dhe pjekurinë.

Më poshtë gjeni tre këshillat kryesore që duhet t’i dini:

Gjeni pjesën e verdhë

Përpos që të hapni një shalqi për të parë pjesën e brendshme, vendi ku ka rënë në fushë është ndoshta treguesi më i mirë i pjekurisë.

Nëse shalqiri është pjekur, pjesa e verdhë duhet të jetë një copë e madhe, ngjyra duhet të jetë e verdhë kremoze, gati si gjalpë.

Goditeni lehtë zonën poshtë dhe prisni të dëgjoni një tingull të thellë

Një mënyrë tjetër për të gjetur një shalqi të pjekur është të godasësh lehtë pjesën e jashtme me dorës. Një shalqi i pjekur do të ketë një tingull më të thellë.

Kërkoni një shalqi të rëndë

Megjithëse, mund të mos jetë e përshtatshme për t’u transportuar në makinën tuaj, shalqinj më të mirë do të jenë më të rëndë se pjesa tjetër.

Mesatarisht, një shalqi është 92 për qind ujë, gjë që i bën ata kaq lëngshëm. Një shalqi më i rëndë ka të ngjarë të mbajë më shumë ujë, gjë që do ta bëjë atë më të lëngshëm dhe të shijshëm.