Lajme

Trafiku urban në Prishtinë publikon rrjedhën e re të qarkullimit pas datës 26 nëntor

Trafiku urban në Prishtinë publikon rrjedhën e re të qarkullimit pas datës 26 nëntor
14:52 | 24 Nëntor 2022

Trafiku Urban në Prishtinë, ka bërë të ditur se do të ndryshohet orari në rrjedhën e qarkullimit të autobusëve.

Përmes një postimi në Facebook është bërë e ditur arsyeja se pse do të ndodhë një gjë e tillë.

“Duke u bazuar në njoftimin e Komunës së Prishtinës se nga dita e shtunë më datë 26 nëntor deri të dielën më 08 janar 2023, për shkak të festave të fund vitit rruga “Xhorxh Bush”, duke filluar nga udhëkryqi i “Bill Klinton” deri në udhëkryqin e rrugës “Garibaldi”, do të jetë e mbyllur. Rrjedha e qarkullimit të autobusëve do të ndryshoj sipas sqarimeve të poshtë shënuara.”, thuhet në njoftim.

Linja Nr. 1: Ndryshimi i linjës nga drejtimi Fushë-Kosovë – Prishtinë dhe anasjelltas do të realizohet përmes rrugës “Robert Doll” në drejtim të rrugës “Luan Haradinaj” për në pikën e fundit te Fakulteti Teknik.

Linja Nr. 1A :Ndryshimi i linjës 1A në shkuarje dhe ardhje do të vazhdon në rrugën “Bulevardi Bill Clinton” për në drejtim të “Bulevardit Dëshmorët e Kombit” dhe përfundon në stacionin e autobusëve.

Linja Nr. 3: Ndryshimi i linjës nga drejtimi Bardhosh – Mat dhe anasjelltas do të realizohet përmes rrugës “Robert Doll” në drejtim të rrugës “Luan Haradinaj” për në stacionet e fundit.

Linja Nr. 4: Ndryshimi i linjës nga drejtimi Matiqan – Gërmi dhe anasjelltas do të realizohet përmes rrugës “Robert Doll” në drejtim të rrugës “Luan Haradinaj” për në stacionet e fundit.

Linja Nr. 7C: Ndryshimi i linjës 7C nga rruga “Bulevardi Dëshmorët e Kombit”, linja vazhdon në rrugën “Bulevardi Bill Clinton” në drejtim të pikës së fundit në lagjen Kalabria.

Blini derivate me çmim të lirë dhe hyni në garë për të fituar banesë, iphone 13 e 19 shpërblime tjera

Të tjera