Lajmi i fundit

Lajme

Tollovi në Mitrovicë: Mijëra serbë shkelin masat duke pritur për 130 eurot e Qeverisë

Tollovi në Mitrovicë: Mijëra serbë shkelin masat duke pritur për 130 eurot e Qeverisë
16:58 | 18 Gusht 2020

Mijëra serbë janë grumbulluar në “Lagjen e Boshnjakëve” në Mitrovicë, pa u kujdesur fare për distancën, si masë për parandalimin e përhapjes së koronavirusit.

Ata po presin për të marrë asistencat mujore prej 130 nga Pakoja Emergjente e Qeverisë së Kosovës, shkruan Reporteri.

Kjo ka bërë që në këtë lagje të krijohet një tollovi e madhe në kohën kur respektimi i masave po kërkohet më shumë se kurrë.

Siç shihet në një video të siguruar nga Reporteri, shumica prej tyre  madje nuk janë të pajisur as me maska.

Kujtojmë se numri i rasteve me koronavirus gjatë ditës së sotme në Kosovë ka shënuar rënie, por megjithatë respektimi i rregullave mbetet i obligueshëm.

Tollovi të tilla gjatë javës së fundit kur edhe është bërë shpërndarja e parave nga pakoja emergjente janë parë në shumë qytete të Kosovë.

Auto Mita me një mundësi të mirë për bizneset – për çdo veturë të re, SERVISI FALAS deri në 100…
Shpërndaje në Facebook

Nga Rubrika

Të tjera