Në kampionatin elitar italian të futbollit, Serie A, sot do të luhet xhiro e fundit e edicionit 2021/22, raporton FrontOnline.
Padyshim, kjo xhiro pritet të jetë spektakolare ashtu si edhe të gjitha javët e kaluara.
Në pasditën e sotme, madje do të vendoset edhe titulli i kampionit – mes Milanit dhe Interit.
Milani kërkon fitore ose barazim ndaj Sassuolos si mysafir për ta vulosur titullin në xhiron e fundit të edicionit.
Kurse, Interi synon fitore ndaj Sampdorias në shtëpi dhe pret gabimin e Milanit për ta mbrojtur titullin e kampionit.
Pas 37 javësh, Milani është lider me 83 pikë, kurse Interi ka 81 pikë të tubuara.
Dy ndeshjet në fjalë luhen nga ora 18:00./FrontOnline/