Një therje me thikë ka ndodhur sot në Mitrovicë.
Nga kjo ka pësuar një person 58-vjeçar i cili është duke u trajtuar në Spitalin Rajonal të Mitrovicës.
Lajmin për Front Online e ka konfirmuar zëdhënësi i Policisë për Rajonin e Mitrovicës, Avni Zaiti.
Ai ka thënë se Policia ka nisur hetimet për identifikimin dhe arrestimin e personit të dyshuar.
“Rreth orës 09:40 është raportuar një rast për lëndim trupor i ndodhur në rrugën “Mbretresha Teutë” në Mitrovicë. Nga informatat e para raportohet se viktima (rreth 58 vjeçar) ka marrë lëndime trupore nga një mjet i mprehtë (thikë), i lënduari po trajtohet në Spitalin Rajonal në Mitrovicë, Policia ka nisur hetimet për identifikimin dhe arrestimin e personit të dyshuar”, ka thënë Zaiti./Front Online/