[wp-story]

Lajme

Thaçi udhëton në Japoni, thotë se vizita ka për qëllim rritjen e bashkëpunimit bilateral

Thaçi udhëton në Japoni, thotë se vizita ka për qëllim rritjen e bashkëpunimit bilateral
17:26 | 06 Shtator 2019

Presidenti i Republikës së Kosovës, Hashim Thaçi, ka njoftuar se të dielën do të udhëtojë për një vizitë zyrtare disa ditore në Japoni.

Sipas njoftimit, Thaçi do të zhvillojë takime me krerët më të lartë shtetërore, për të shtyrë përpara agjendën e thellimit të bashkëpunimit ndërmjet dy shteteve.

“Gjatë kësaj vizite, ai do të pritet nga Lartmadhëria e tij, Perandori i Japonisë. Po ashtu, do të pritet edhe nga Kryeministri i Japonisë, Shinzo Abe, me të cilin do të ketë edhe një drekë punë pas takimit bilateral”, thuhet në njoftim.

Sipas kumtesës për media, kjo vizitë e Thaçit në Japoni vjen tash kur dy vendet janë duke kremtuar 10 vjetorin e lidhjes së marrëdhënieve diplomatike.

Vizita zyrtare ka për qëllim rritjen e bashkëpunimit bilateral dhe zgjerimin e shkëmbimit tregtar ndërmjet dy vendeve tona.

Petrol Company në muajin e shenjtë të Ramazanit, dhuron pako ushqimore per familjet nevojtare në qytetin e Vitisë

Të tjera