Front TV

Thaçi pas takimit me Lajçakun: BE-ja ta hedhë në tavolinë marrëveshjen për njohje reciproke

Thaçi pas takimit me Lajçakun: BE-ja ta hedhë në tavolinë marrëveshjen për njohje reciproke
11:41 | 14 Tetor 2020

Presidenti i vendit, Hashim Thaci, ka mbajtur konferencë për medie pas takimit me të dërguarin special të Bashkimit Evropian për dialogun Kosovë-Serbi, Miroslav Lajçak, raporton Front Online.

Presidenti Thaçi u shpreh se me Lajçakun biseduan për mundësinë e arritjes së një marrëveshje finale për njohje reciproke.

“Para pak çastesh si president përfundova një takim me zotin Lajçak. Mund të konkludoj se bashkëbisedimi ynë ka qenë takim korrekt, konstruktiv, bisedë e hapur dhe miqësore me drejtimin e mundësive për arritjen e marrëveshjes finale që do të nënkuptonte njohjen si shtete sovrane dhe mundësinë e anëtarësimit të Kosovës në OKB”, tha ai.

Thaçi ripërsëritur qëndrimin se BE-ja duhet sa më shpejt të liberalizoj vizat për Kosovën.

“E ardhmja e vetme e Kosovës është që të jetë pjesë e NATO-s dhe BE-së, dhe në këtë drejtim BE-ja duhet të lëvizë shpejtë drejt liberalizimit të vizave sepse po ndodh padrejtësi dhe ndëshkim. Kosova i ka përmbushur të gjitha kriteret. Besoj se ka ardhur momenti që nga Bashkimi Evropian, të hidhet në tavolinë mundësia e diskutimit për njohjes reciproke, sepse duhet të jetë pika e parë e marrëveshjes. Dua të besoj se vetëm njohja reciproke mund të jetë mundësia e vetme që garanton stabilitetin në rajon dhe miqësinë mes dy shteteve tona dhe garanton paqe. Edhe takimi që kam zhvilluar në Bruksel me Lajçakun kemi pasur temat e njëjta. Edhe në Washington poashtu. Shoh koordinim edhe të BE-së dhe SHBA-së. Është mesazh i mirë dhe inkurajues që të jemi unik e të bashkuar përballë Serbisë, kjo do të mundësonte edhe zhvillimin ekonomik”, tha tutje presidenti Thaçi./Front Online/

 

https://www.facebook.com/FrontOnlineMedia/videos/671922803455353/

EKSKULZIVE: Art Motion dhe Klan Kosova fitojnë të drejtën televizive të Superligës, Ligës së parë si dhe Kupës së Kosovës 

Të tjera