“Telenovela” me tenderin për krijimin e hapësirave gjelbëruese në Rahovec

Operatori ekonomik “Lulishtja Buçaj” për të tretën herë ka dorëzuar ankesë në Organin Shyqrtues të Prokurimit (OSHP) në lidhje me tenderin në vlerë prej mbi 200 mijë euro për krijimin e hapësirave gjelbëruese dhe mbjellja e drunjëve dekorativ-Lot 1 të Komunës së Rahovecit, raporton portali “Front Online”.

Pleurat Buçaj, përfaqësues i operatorit ekonomik ankues “Lulishtja Buçaj”, ka deklaruar në seancën e së martës që lamë pas të OSHP-së se kjo çka po ndodhë me Komunën e Rahovecit nuk është në rregull, pasi që, sipas tij, është hera e tretë që ankohen ndaj vendimit të Komunës.
Me arsyet e eliminimit të këtij operatori ekonomik nga Komuna e Rahovecit për shkak që, siç është thënë me mungesën e agronomit të diplomuar nuk është pajtuar as eksperti shqyrtues i OSHP-së, Sahit Beqiri, pasi që, sipas këtij të fundit, kompania e ka një të tillë me gradë bachelor dhe e plotëson këtë kriter, i cili i ka 3 vite përvojë pune.

Në anën tjetër, Astrit Mullabazi nga Komuna e Rahovecit   ka deklaruar se në dosje të tenderit është kërkuar një agronom i diplomuar, ndërsa kompania e ka dorëzuar një bachelor të Agroekonomisë dhe që nuk ka përvojën e punës të kërkuar prej 3 viteve.

/Front Online/

Super zbritje në “Petrol Company”

Sponsoruar