×
  • Lajme
  • Lajme

    Të mbijetuarat e dhunës seksuale kërkojnë të përfshihen në dialog

    FrontOnline
    29 Korrik 2020

    “Shpresë e vdekur” është për të mbijetuarat e dhunës seksuale, se një ditë shteti serb do të pranojë krimet e përjetimet makabre që ua shkaktoi rreth 20 mijë kosovarëve. Megjithatë, përfaqësues të 20 mijë zërave të padëgjuar të grave e burrave të cilët i mbijetuan dhunës seksuale, këmbëngulin që në tavolinën përballë Serbisë, Kosova të përfaqësohet nga kjo pjesë e dëmtuar e shoqërisë. Në të kundërtën, sipas tyre nuk duhet të arrihet asnjë marrëveshje.

    Pas rreth 20 muajsh, javë më parë ka rinisur dialogu mes Kosovës dhe Serbisë. Në tavolinën e bisedimeve, Kosova është përfaqësuar nga kryeministri i Kosovës, Avdullah Hoti përballë presidentit të Serbisë Aleksander Vuçiq.

    Përfaqësues të organizatave të të mbijetuarve të dhunës seksuale, kërkojnë nga kryeministri Hoti që të mos harrohen 20 mijë zërat e padëgjuar përballë shtetit serb.

    Drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti thotë se prapa atyre viktimave fshihen me mijëra familjarë që për më shumë se dy dekada kërkojnë drejtësinë e mohuar.

    Rushiti: Dialogu është i mangët nëse nuk diskutohet për viktimat e dhunës seksuale

    “Prapa atyre 20 mijave fshihen edhe mijëra familjarë të cilët edhe sot rënkojnë për fatin e tyre. Edhe sot nuk ka drejtësi për kriminelët të cilat e kanë ushtruar këtë krim gjatë luftës. Prandaj mendojmë që dialogu është i mangët vetëm me adresim e disa grupeve, ndërsa të mbijetuarat e dhunës seksuale të luftës nuk paraqiten ose nuk diskutohen se si të procesohet me to”, deklaron Rushiti.

    Rushiti kërkon nga kryeministri Avdullah Hoti që të jetë në bashkëpunim të ngushtë me organizatat të cilat i përfaqësojnë dhimbjet e 20 mijë grave e burrave të cilat janë dhunuar gjatë luftës. Kështu sipas saj, do të adresohen sa më qartë kërkesat e Kosovës në tavolinën e bisedimeve në Bruksel.

    Rushiti: Reperacioni duhet të jetë pjesë e diskutimit

    “E para çka duhet të kërkohet është qasja në drejtësi për të mbijetuarit e dhunës seksuale, dhe pa pasur një bashkëpunim të mirëfilltë mes të dyja këto shteteve ne e dimë mirëfilltë që nuk mund të realizohet drejtësia për të mbijetuarat e dhunës seksuale. Kërkesë kjo tani 20 vjet me radhë që vazhdon të jetë e të mbijetuarve dhe familjarëve të tyre. Përtej kësaj është reperacioni duhet të jetë pjesë e diskutimit për faktin që ata ndërkombtarisht janë të obliguar të paguajnë dëmet të cilat i kanë shkaktuar gjatë luftës dhe në veçanti për të mbijetuarat e dhunës seksuale. Kërkim falja publike po ashtu duhet të jetë pjesë e diskutimit, për faktin që kjo do të thotë shumë për të mbijetuarat e dhunës”, shton Rushiti për KosovaPress.

    E drejtoresha e Qendrës për Promovimin e të Drejtave në Drenas, Kadire Tahiraj, thotë se kërkesë e përditshme e grave të mbijetuara, është që delegacioni i Kosovës mos të nënshkruajë marrëveshje me shtetin serb, pa u njohur faktet, e rrëfimet e viktimave të dhunës seksuale.

    Tahiraj: Nuk guxojmë asnjëherë të kemi dialog me Serbinë pa u përmendur krimet

    “Fatkeqësisht që 20 vjet këto gra kanë kërkuar drejtësi por fatkeqësisht deri më tani nuk kemi gjetur drejtësi. Edhe kërkojmë që të kemi drejtësi, por nuk guxojmë asnjëherë të kemi dialog me Serbinë pa u përmendur këto krime të luftës të cilat janë bërë që 20 vjet lëndojnë, me lot, rënkim, por mbi të gjitha kanë gjetur forcë për të mbijetuar”, deklaron Tahiraj.

    Në këtë tavolinë bisedimesh, Tahiraj thotë se duhet të jenë vetë të mbijetuarat. Megjithatë sipas saj, për këto të fundit është “shpresë e vdekur”, se një ditë shteti serb do të kërkojë falje për krimet e bëra.

    Tahiraj: Këto krime duhet të përmenden në çdo tavolinë e dialog

    “Nuk besoj, të mbijetuarat tashmë kanë një shpresë të vdekur, por po shpresoj në qoftë se kanë vullnet dhe me të vërtetë dëshirojnë të mirën Kosovës, të mirën e qytetarëve, duhet që këto krime të përmendën në çdo tavolinë, në çdo konferencë dhe çdo dialog”, shton ajo.

    Vasfije Krasniqi Goodman, është gruaja e parë që rrëfeu publikisht për këto krime. Vëllai i saj, Drejtësi vazhdon të kërkojë edhe për motrën e tij, e cila ishte vetëm 16-vjeçare kur u morr e u dhunua nga dy paramilitarë serbë.

    Vasfije Krasniqi Goodman, është gruaja e parë që rrëfeu publikisht për këto krime. Vëllai i saj, Nafi Krasniqi vazhdon të kërkojë për motrën , e cila ishte vetëm 16-vjeçare kur u morr e u dhunua nga dy paramilitarë serbë.

    Krasniqi, që është edhe drejtor i organizatës “Drejtësi për të gjithë”, thotë për KosovaPress se pala kosovare duhet të ketë një platformë shumë serioze kur flitet për krimet dhe dëmet e luftës që kanë bërë në Kosovë.

    Krasniqi: Dhunimet seksuale duhet të përfshihen në platformën për dialogun

    “Ne gjithmonë kemi vlerësuar që dhunimet kanë qenë krime të organizuara ose qe janë bërë në mënyre sistematike nga aparati shtetëror serb. Ne besojmë se pala kosovare patjetër duhet të përfshijë në kuadër të negociatave të kësaj platforme për të negociuar me Serbinë, edhe dhunimet seksuale. Për shkak se në Kosovë sipas numrit që është nxjerrë nga organizatat e huaja thuhet se janë përafërsisht 20 mijë të dhunuar. Flasim për 20 mijë familje të prekura direkt dhe indirekt nga dhunimet, ku numri i të prekurve indirekt është shumë më i madh. Ku konsiderojmë se pakënaqësia është akumuluar aq shumë dhe gjithmonë është pakënaqësi që ka shumë elemente që na bëjnë neve te ndjehemi keq. Një prej tyre është edhe drejtësia”, deklaron Krasniqi.

    Ndërkohë në takimin që është planifikuar të mbahet të enjten ndërmjet delegacioneve të Kosovës dhe Serbisë, ne Bruksel, do të hartohet drafti i marrëveshjes finale për çështjen e personave të pagjetur. Pas 20 muajsh të ndërprerjes së dialogut, më 16 korrik ky proces rifilloi me ndërmjetësimin e Bashkimit Evropian. Në Bruksel, kryeministri i Kosovës, Avdullah Hoti u takua me presidentin Aleksander Vuçiq

    Me rastin e Black Friday, 28 Nëntorit dhe 32 vjetorin e kompanisë, Petrol Company me çmime marramendëse në derivate dhe…
    Nga Rubrika
    Ekonomi28 Mars 2024
    Banka Qendrore e Kosovës ka publikuar statistika e remitancave dhe institucioneve të tjera financiare për muajin shkurt 2024. Sipas të dhënave të...
    Lajme28 Mars 2024
    Kuvendi i Kosovës ka rrëzuar rezolutën e opozitës për numrin e madh të kontratave njëburimore të nënshkruara gjatë mandatit të Qeverisë Kurti....
    Lajme28 Mars 2024
    Gjykata Evropiane për të Drejta të Njeriut do të jetë derë e re për drejtësi për shtetasit e Kosovës, nëse vendi anëtarësohet...
    Të tjera
    Lajme28 Mars 2024
    Zëvendëskryeministri dhe ministri i Zhvillimit Ekonomik në Mal të Zi, Nik Gjeloshaj, tha se qëndrimi i Qeverisë është i qartë për qëndrimin...
    Lajme28 Mars 2024
    Kryeministri Albin Kurti bëri homazhe te familjet Bogujevci, Duriqi dhe Llugaliu në Podujevë dhe më pas shkoi në fshatin Izbicë të Skenderajt...
    Lajme28 Mars 2024
    Inspektorati Policor i Kosovës ka njoftuar se është suspenduar një zyrtar policor, i dyshuar për kontrabandë me mallra. Po ashtu, IPK ka...
    Bota/Rajoni28 Mars 2024
    Ish-kryeministri i Shqipërisë, Sali Berisha ka marrë pjesë nëpërmjet një lidhje të drejtpërdrejtë ndërsa ndodhet në arrest shtëpiak në aktivitetin dedikuar 15-vjetorit...
    Lajme28 Mars 2024
    Është gjetur në një humnerë, personi i raportuar si i zhdukur në Prevallë, një ditë më parë. Lajmin e ka konfirmuar policia...
    Bota/Rajoni28 Mars 2024
    Presidenti i Serbisë, Aleksandar Vuçiq ka refuzuar të komentojë edhe sot, votimin drejt pranimit të Kosovës në Këshillin e Evropës. I pyetur...

    FrontOnline, © 2024 Të gjitha të drejtat e rezervuara.