Atleti nga Etiopia, Tamirat Tola ka fituar gjatë ditës së sotme (e shtunë) maratonën e meshkujve, duke vendosur gjithashtu edhe rekord olimpik në Lojërat Olimpike “Paris 2024”.

Kemi arritur në ditën e parafundit të Lojërave Olimpike 2024, por gjërat vështirë se po mbyllen në Paris me medalje të shumta për t’u fituar dhe asgjë për të zgjedhur midis SHBA-së dhe Kinës në krye të tabelës.

Megjithatë, gara e sotme e maratonës është një garë e cila nuk sheh fitues nga këto dy shtete, por zakonisht nga vendet afrikane.

I tillë është Tamirat Tola i Etiopisë, i cili ka fituar ditën e sotme medaljen e artë në maratonën e meshkujve, prej 42.195km.

Atleti etiopian ka arritur ta përshkoj maratonën e ndërlikuar me një kohë të shkëlqyer dhe rekord olimpik prej 2:06.26.

Bashir Abdi i Belgjikës kaloi vijën i dyti, për të fituar medaljen e argjendtë, ndërsa Benson Kipruto nga Kenia fitoi të bronztën.

Në pozitën e katërt përfundoi britaniku Emile Cairess, ndërsa pas tij etiopiani Deresa Geleta, japonezi Akira Akasaki dhe Tebello Ramakongoana nga Lesoto i shtati. /Telegrafi/