Lajme

Tahiri – Kusari-Lilës: Po punësoni familjarë e militantë

Tahiri – Kusari-Lilës: Po punësoni familjarë e militantë
12:17 | 24 Qershor 2021

Shefi i Grupit Parlamentar të Partisë Demokratike të Kosovës (PDK), Abelard Tahiri, ka debatuar me u.d e Grupit të VV-së, Mimoza Kusari-Lilën për ish-kryetaren e KQZ-së Valdete Dakën

Fillimisht Kusar-Lila ka inkurajuar qytetarët që të aplikojnë për pozita të ndryshme shtetërore.

Pas kësaj ka reaguar shefi i Grupit Parlamentar të PDK-së, Abelard Tahiri.

Tahiri ka përmendur rastin e fundit të shkarkimit të Valdete Dakës nga drejtimi i Komisionit Qendror Zgjedhor.

Tahiri tha se nuk ka dekorajim më të madh për gratë në Kosovë sesa kur shihet ndërprerja e mandatit të një gruaja siç ka qenë Valdete Daka, mandati i së cilës është ndërprerë nga udhëheqja e tanishme.

“Ky Grup Parlamentar dhe kjo zonjë po përçojnë mesazhet më të këqija për profesionistët dhe gratë në Kosovë. Ky degradim që ka filluar nga institucionet me shkarkimin e profesionistëve dhe sjelljen e familjarëve e militantëve është i papranueshëm dhe si opozitë do ta kundërshtojmë në çdo moment, me çdo mjet të mundshëm që në posedojmë si opozitë”, tha ai.

Ai ka pyetur poashtu se cili është qëndrimi i Qeverisë për marrëveshjen e Washingtonit.

“Tashmë kanë fillur hapa konkret nga partnerët tanë, siç ishte para dy ditëve sjellja e një plani për Ujmanin. Ne e dimë se kryeministri pati deklaruar se është listë zotimesh, jo marrëveshje”, tha Tahiri.

“Ndërsa të tjerë që kanë deklaruar se nuk ka bazë juridike të implementohet. Cili është pozicioni i Republikës së Kosovës, a do të fillojë implementimi i kësaj marrëveshje apo jo?”, deklaroi Tahiri.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera