Publicisti kosovar, Veton Surroi ka komentuar rezultatin e zgjedhjeve të sotme, ku fituese ka dalë Lëvizja Vetëvendosje.

Përmes, një postimi në profilin e tij në Facebook, Surroi ka shkruar se më 14 shkurt Kosova prodhoi një revolucion zgjedhor.

Sipas tij, Lëvizja Vetëvendosje mori mandatin e paprecedent të shumicës kundër kapjes së shtetit.

Ai ka thënë se VV-ja së bashku me partitë tjera janë para një sfide dhe shansi për ndërtimin e një koncensusi të ri për Kosovën si shtet funksional, demokratik e anëtar i familjeve të demokracive euro-atlantike.

Postimi I tij I plotë:

• Më 14 shkurt Kosova prodhoi një revolucion zgjedhor, duke përmbysur konceptin e deritanishëm të elitave politike në pushtet.
• LVV morri mandatin e paprecedent të shumicës kundër kapjes së shtetit e për avancimin e tij si shtet zhvillimor, të drejtësisë sociale e sundimit të së drejtës.
• LVV së bashku me partitë e tjera të spektrit politik që morën votën e qytetarit të Kosovës janë para një sfide dhe shansi për ndërtimin e një koncensusi të ri për Kosovën si shtet funksional, demokratik e anëtar i familjeve të demokracive euro-atlantike./Front Online/