Një i mitur ka pësuar lëndime trupore pasi është sulmuar fizikisht nga një tjetër i mitur.

Sipas raportit të Policisë së Kosovës, ngjarja ka ndodhur të hënën rreth orës 21:54 në fshatin Dardani, Ferizaj.

Siç bëhet e ditur në raport, thuhet se incidenti ka ndodhur si pasojë e një mosmarrëveshje që kishin i dyshuari me viktimën në rrjetet sociale.

“Viktima mashkull kosovar i mitur ka pësuar lëndime trupore pasi është sulmuar fizikisht nga i dyshuari kosovar po ashtu i mitur. Incidenti ka ndodhur si pasojë e një mosmarrëveshje që kishin i dyshuari me viktimën në rrjetet sociale”, thuhet në raport.

Tutje në raport, në vendin e ngjarjes është gjetur dhe sekuestruar një thikë.

“I dyshuari dhe viktima kanë pranuar tretman mjekësor dhe më pas me vendim të prokurorit janë liruar në procedurë të rregullt”, thuhet në raport./Front Online