Kryetari i KOK-ut, Ismet Krasniqi ka pritur ekspeditën e karatesë, pas suksesit të arritur në Kampionatin Ballkanik, të mbajtur në Poreq të Kroacisë.

Ekspedita e karatesë fitoi një medalje të argjendtë me Elhami Shabanin dhe tri të bronzta me Fortesa Oranën, Herolind Nishevcin, si dhe në ekipore, konkurrenca e meshkujve, përcjell FrontOnline.

Krasniqi, që njëherit është edhe kryetar i Federatës së Karatesë së Kosovës përgëzoi karateistët për suksesin e arritur, derisa iu uroi fat dhe suksese edhe në garat e ardhshme ndërkombëtare.

Suksesin e arritur në Ballkanik dhe pritjet për garat e ardhshme ndërkombëtare, e vlerësuan edhe sekretari i përgjithshëm i FKK-së, Nazmi Gashi dhe përzgjedhësi i përfaqësueses, Ylber Syla, të cilët falënderuan Krasniqin për pritjen dhe përkrahjen./FrontOnline/