Fluturimet në aeroportin e dytë më të madh të Gjermanisë janë anuluar deri në mesditë. Dëbora e madhe përmbyti kryeqytetin e Bavarisë dhe transporti publik u pezullua, transmeton FrontOnline.

Reshjet e dendura të borës goditën Gjermaninë jugore të premten mbrëma dhe vazhduan këtë mëngjes, duke shkaktuar ndërprerje të mëdha në aeroportin e Mynihut, qendra e dytë më e ngarkuar e vendit. Aeroporti njoftoi mëngjesin e sotëm se po pezullonte fluturimet deri në mesditë.

Rreth 320 nga 760 fluturimet e planifikuara për të shtunën janë anuluar, njoftoi agjencia gjermane e lajmeve DPA. Punonjësit e aeroportit u përpoqën të mbanin të paktën një pistë në funksion dhe pa borë.

Shërbimi i motit i Gjermanisë DWD ka parashikuar borë të vazhdueshme deri të shtunën pasdite për pjesën më të madhe të Bavarisë, me 30-40 centimetra borë që pritet në vende, “shumica e të cilave duhet të bjerë gjatë natës të shtunën”./FrontOnline/