Jens Stoltenberg, Sekretari i Përgjithshëm i aleancës ushtarake NATO, paralajmëroi sot se luftimet në Ukrainë mund të dalin jashtë kontrollit dhe të shndërrohen në një luftë midis Rusisë dhe NATO-s.

“Nëse gjërat shkojnë keq, ato mund të shkojnë tmerrësisht më keq.”, u shpreh Stoltenberg, raporton Sky news.

“Është një luftë e tmerrshme në Ukrainë. Është gjithashtu një luftë që mund të përhapet në një luftë të madhe midis NATO-s dhe Rusisë. Ne po punojmë për këtë çdo ditë për ta shmangur atë.”

Stoltenberg shtoi se është e rëndësishme të shmanget një konflikt që përfshin më shumë vende në Evropë.