Sekretari i Përgjithshëm i NATO-s, Jens Stoltenberg tha sot se themelimi i Asociacionit të komunave me shumicë serbe është çelësi për normalizimin e marrëdhënieve ndërmjet Beogradit dhe Prishtinës, transmeton FrontOnline.

Në një konferencë të përbashkët me presidentin serb Aleksandar Vuçiq, ai i bëri thirrje Beogradit dhe Prishtinës që të vazhdojnë dialogun, sepse, siç theksoi, kjo është e vetmja rrugë drejt paqes.

“Ne diskutuam gjithashtu tensionet në Veri të Kosovës dhe rëndësinë e misionit paqeruajtës të KFOR-it, i cili ka garantuar sigurinë për dy dekada. Ne do të vazhdojmë ta bëjmë këtë në mënyrë të paanshme dhe brenda mandatit. Anëtarët e KFOR-it pësuan sulme, pamë trazira në Shtator, autorët duhet të sillen para drejtësisë”, tha Stoltenberg./FrontOnline/