Është një hap shumë domethënës që presidenti i Serbisë, Aleksandar Vuçiq, si dhe kryeministri i Kosovës, Albin Kurti, po vijnë në Bruksel.
Ata po takohen për të diskutuar mënyrat për përmirësimin e dialogut dhe parandalimin e situatave nga e kaluara, tha sot zëdhënësi i Komisionit Evropian Peter Stano.
Ai shtoi se është e rëndësishme të diskutohet se si të parandalohet një situatë stagnimi dhe tensioni, por edhe të zgjidhen çështjet e hapura, raporton Reuters.
“Qëllimi i takimit të ardhshëm në Bruksel është të arrihet përparim në dialogun ndërmjet Beogradit dhe Prishtinës, sepse është diçka që është shumë e nevojshme në nivelin më të lartë”, tha Stano në një konferencë për shtyp në Bruksel.
Një zyrtar i BE-së konfirmoi se presidenti i Serbisë, Aleksandar Vuçiq dhe kryeministri i Kosovës, Albin Kurti do të diskutojnë për rritjen e fundit të tensioneve mes dy palëve në Bruksel më 18 gusht./FrontOnline/