Në kampionatin më të fortë evropian të futbollit, Premierligë, sot do të luhet xhiro e fundit e edicionit 2021/22, raporton FrontOnline.

Padyshim, kjo xhiro pritet të jetë spektakolare ashtu si edhe të gjitha javët e kaluara.

Në pasditën e sotme, madje do të vendoset edhe titulli i kampionit – mes Liverpoolit dhe Manchester Cityt.

Manchester City është lider me 90 pikë, derisa sot i duhet vetëm fitorja ndaj Aston Villës në shtëpi për ta fituar titullin.

Kurse, Liverpooli ka një pikë më pak, dhe me fitoren ndaj Wolvesit dhe barazimin apo humbjen e Man Cityt ndaj Aston Villës, mund të shpallej kampion i Anglisë.

Poashtu, një garë interesante do të luhet për top-katërshe.

Tottenhami në rast të fitores apo barazimit ndaj Norwichit e siguron pjesëmarrjen në Ligën e Kampionëve, kurse Arsenali duhet ta mposhtë Evertoni dhe të presë humbjen e Spurs për një “mrekulli”.

Dhjetë ndeshjet e sotme luhen nga ora 17:00./FrontOnline/