Sport

Sonte luhet ndeshja e dytë finale mes Yllit dhe Pejës

Sonte luhet ndeshja e dytë finale mes Yllit dhe Pejës
10:55 | 09 Maj 2021

Të dielën (sot) do të zhvillohet sfida e dytë e finales së Play-offit të Superligës së Kosovës në basketboll ndërmjet Yllit dhe Pejës.

Ndeshjen e parë në ‘Karagaqi’ e fituan therandasit 75:83, derisa kampion do të shpallet skuadra që shënon tri fitore, përcjell FrontOnline.

Duelet mes skuadrave verdhezi kanë qenë shumë interesante dhe kështu pritet të jetë edhe të dielën, ku dy skuadrat kanë ambicie të mëdha në këtë edicion dhe synojnë ta përfundojnë me titullin e kampionit.

Ylli në çerekfinale eliminoi Bashkimin 2:1, edhe pse humbi sfidën e parë, ndërsa në gjysmëfinale pas pesë sfidave shumë interesante eliminoi Rahovecin 3:2.

Peja në çerekfinale kishte mundur Sigal Prishtinën 2:1, derisa në gjysmëfinale u përballë me Prizrenin, ku kaluan në finale me serinë 3:2, pasi takimi i fundit ishte ndërprerë pas pjesës së parë dhe u takoi pejanëve me rezultat zyrtar 20:0.

Kjo është hera e parë për Yllin që ndodhet në finale të “Play-offit”, kurse pejanët kërkojnë titullin e gjashtë në histori të klubit.

Ndeshja Ylli – Peja zhvillohet sonte nga ora 20:15./FrontOnline/

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera